Haurren Herriko Kontseilua

Haurren Herriko Kontseilua 2002ko Urrian sortu zen Odile de Coral Andereak bultzaturik,  « Contrat Education Temps Libre » delakoaren koordenatzaile den Christèle Daguerre-en laguntzarekin.

Urruňako Haurren Herriko Kontseiluaren helburuak

Herriko Kontseilu honen lehen helburua da  haurrak  herriko biziaren aktore erneak eta arduradunak bilakaraztea.

Elkarrekin biltzen dira Herriko Etxean hilabetean behin herritar izaten ikasteko.

Aukera da haurrentzat elkarrekin bizitzen , hitza eta erabakien hartzen ikasteko. Nahiz eta ezderdinak izan, izaitez eta iritziz, elkarren errespetua ikasiko dute eta ezberdintasunak jasanen dituzte.

Kontseilu honi esker herriko bizian partaide gisa onartuak izanen dira. Erkidetza hau herritar bilakatzeko baliabide ona da. Demokraziaren arauak zilatzen dituzte eta ikasten dute haur bakoitzak zuzenbideak badituela baita ere eginbeharrak.

Urruňako Haurren Herriko Kontseiluaren historia eta ekintzak

Erakasleen eta burasoen sustenguarekin, lehen hauteskundeak iragan ziren 2002ko Urriaren 18an; Eskoletako CM1 eta CM2 ko 50 hautagaietarik 18 hautetsiak izan ziren ( 11 neska eta 7 mutiko). 

Lehen urrats batean, hautetsi bakoitzak, bere lagunei aurkezten zien ikasgelan aipatuak izan ziren gaiak : bidetako istripuen emendatzea, ingurumenaren aldeko errespetu eskasia, igerileku baten edo lerratoki baten nahia, beste eskoletako haurrekin elkartzeko gogoa, zinema lekua maizago  idekitzeko desira...

Bigarrenik adierazi behar izan zaie haurrei zein ziren beren gaitasunak, zer egiten ahal zen eta zertako.

Batzorde bakoitzak bere proiektuak aurkezten zituen « helduen » Herriko Kontseiluari onarpenaren lortzeko eta gehienak gauzatuak izan ziren.

Lan batzorde horietaz gainera, auzapezak hautetsi gazteak gonbidatzen ditu 1918ko armiztizioaren eta 1945eko garaipenaren orroitzapenetara, baita ere Herriko Kontseiluaren biltzarretara.

4.Haurren Herriko Kontseilua erreberritua izan da heldu den Urrian  aitzineko kargualdia bururatu baita. Beraz 23 herriko kontseilari (10 tituludun eta 12 ordezkari) bi urterentzat hautetsiak izanen dira Urruňako eskoletan.

Herritar gazte hauek elkartasunezko, atsedenerako eta herritartasunezko ekitaldiak antolatuko dituzte. joan den ekainean loto bat eta belaunaldien arteko elkartzeak.